終於一家團聚了

等左幾個月..... 終於一家團聚了.....

 

我同同事既傑作.
7-11 冇晒貨, 害我地要等咁耐~~ 終於齊人了~

 

擺明呃文~~ 謝謝~

無口齒的Gi師奶 look 現身

阿Gi 係無口齒嗎???

因為我應承左好多sis 會出某幾樣野好耐都冇左影.

其中一樣就係用鬆餅粉造既食譜書

 

原諒我啦, 一連ot左3個星期, 日日都好忙呀,

我有心記得, 只係冇力去做者~~ hee

 

好啦, 出啦出啦,

就係呢本書, 我先可以整到咁多美食~

入面有好多唔同既cake, cookie, muffin, bread, bun, pizza...........

又簡單又快, chocolate muffin 只係用左10+20(baking time) 分鐘 就完成啦~~

我係page one 買架, 有興趣可以去look look

 

至於鬆餅粉, 我係用呢隻,

完成左 choco muffin 之後又想再整我至愛既scone - 咸鬆餅

 

多謝妹妹幫我影底過程...

 因為時間關係, 舊粉已經變成咁, 入面有蛋, 奶, 牛油

 

=.=" 師奶look 現身
碌呀碌呀, 好好玩呀

 

排好隊, 準備入焗sauna

 

長大啦, 裂得好靚~

 

出爐~~ 咁多.... 一定食唔晒.. =.="

 

完成~~ 加左我至愛藍莓果醬~~ 正~

 

比個食譜大家跟住整啦~~

 

 

謝謝~

珀麗灣迎月夜

每逢節日.. 珀麗灣都會有興祝活動.
今個中秋節更加唔例外.
有攤位遊戲, 中式小食, 歌舞表現等等.

呢2個小朋友真係好勁, 7歲人仔去唱大戲, 重要係國語, 真係唔好睇小d細佬哥呀..

重有唔少得既, 猜燈謎.
阿GI好屎, 一個都猜唔到.. =.=" (因為d 爛gag題一早比人估晒)

好多人都入左黎PI 玩~~ 你地睇下幾多人~~

我都唔執輸, 去買左2個紙燈籠威下先~

打令揀既燈色燈籠, 好有中式女鬼feeel..

 

去沙灘放燈籠, 已經有好多人, 好多情侶傾心事, 好多攝影發燒友影月光, 好多青年人玩蠟燭, 從碼頭方向望去沙灘, 一點點火光, 真係好靚呀, 可惜影唔到比你地睇~~

 

不過, 我就影左一張好靚既青馬橋夜景, 好滿足呢~

 

你話我宅女都係架喇, 我屋企環境清優空氣好, 不過假日人就多d,

定時都會有function架, 之前就有寵物日, cny 有百人bbq, xmas 有歌唱比賽

黎緊halloween又有鬼屋啦, 好期待呢~

 

為你送上一個遲來的中秋節快樂ed.

Living without concealer - Shiseido Maquillage Moisture Cream Foundation UV

從收到試用確認電話到試色, 取試用品, 試用, 影相, 出文, 所有事情都似乎黎得太快.

個人黎講, 為達至最真實既試用效果, 我偏愛試用最少5-7日先出試用文.

當然, 若果遇到令我驚喜既產品就會例外, 正如今日既主角 MAQUILLAGE Moisture cream foundation.

只係短短既4日試用, 就已經滿足到我既試用準則啦.

(近期愛上左係露台寫文 涼涼地好舒服 又可以望下人地游水)


我相信貪靚係有遺傳既, 因父母都係極愛美既人, 特別係媽媽.

還記得自己擁有既第一支粉底就係shiseido, 係媽媽買既, 因為佢正係shiseido既支持者.

家中有好多skin care都係shiseido 家的. 青春期時代既gi, 就已經用shiseido喇.

今日, 重新拎起shiseido 既粉底液, 個種感覺真係新鮮得黎又帶點親切感.


由包裝講起, 若是瓶身設計一向都唔係我杯茶, 好怕用手去點, 過左一排粉底亦會即晒係瓶邊.

shiseido 一向都好貼心, 包埋一支小匙, 細細地一不就係一次既分量, 唔洗從覆咁點黎點去.

質地睇黎比較杰身, 開始時好擔心會好厚, 試色當日亦都有問BA姐姐點用,

佢話用手上會較厚, 建議用撲上, 唔好睇佢有d 杰身, 其實佢幾好推架, 又吸收得快.

BA姐姐只係我手上推左來回2下就已經吸收晒, 連平日 '用手心去按一按面令粉底貼D' 呢個STEP 都唔需要啦.

(唔錯, 我怕整到成手都係粉)

順道讚一讚廣東道既BA姐姐真係好helpful & nice, 每次去就算我唔係買野都好, 佢地既態度都令我好舒服~~

睇上去好滑, 好似忌廉咁, 好想食左佢~ haaa

貼心既BA姐姐為皮膚較深既我揀左20色, 係比我本身既膚色偏白小小.

原因係已經開始入秋, 冬天我會白返D, 佢話如果用20色到時都會啱用, 唔洗再買. (佢真係諗得周到啦)

其實試左上面又唔係真係白好多, shiseido 既粉底透明度高就係出晒名架啦, 我相信呢都唔例外.


先上半邊面比大家睇下效果~~

好野益大家... 第一次出全面素顏@@

我成日晒太陽, 面上好多斑斑, 加上大細眼, 唔多有自信唔化妝見人啦... haa

(近日工作好忙, 消瘦不少, 下巴尖左, 可惜面仔仍然係咁.... 面型愈來愈似米奇老鼠@@)

suprise suprise, 大家先睇左我左邊面 (即圖右), 了解一下我面上既斑斑情況同埋偏黃既眼肚鼻亦位.

再睇睇我既右邊面 (圖左) 上左粉,

seriously, 我真係冇用遮暇膏, 連調色底霜都冇用, 只有粉底
唔係誇張, 好真心咁講句, 佢既coverage 真係令我好滿意, 一黎唔厚, 二黎唔會死班班咁遮暇, 遮暇度高得黎又要有透明感.
就算上晒全面都唔會變左 '假人'
(我唔追求100%遮暇, 8成已經夠, 咁會自然d~)

好suprise 呀, 我相信我唔再需要去買遮暇膏/ 蓋斑霜, 亦唔需要去擔心遮暇膏既色用粉底唔夾, or 眼肚同面上斑斑要買唔同色既遮暇膏

有佢一樽已經ok晒, 早上化妝又可以慳返2個steps 啦, 哈哈~

上左粉既感覺好舒服好滋潤, 果然係保濕度高既粉底.
試用其間正係瘋狂OT人都癲既時期,
熟我既人都知我一忙就會摸面, R頭, 咬咀.. (每次放工後敗金都笑我面上既手指印)
係我試用既呢幾日, 我面上不單冇手指印, 出油亦冇平日咁多.

中秋節當日一早就化左個妝, 同妹妹行街,
係32度既中高溫下, 又出入冷氣地方, 我塊面都係感覺得非常舒服.
就算係出汗時 (我係大汗人) 用面紙去印汗, 都只係印出好小好小既粉, 呢樣係令我十分滿意既~
直至7小時後, 我個妝仍然好好, 冇脫妝情況~~

呢盒粉真係令我好suprise, 整體黎講我都十分滿足,
$320 大大一盒, 每次用既分量唔多, 扣返唔洗用concealar 既$$ 後真係好抵
用法又方便, 初學者或懶人(我), 我會推呢隻~

9 月好書推介(2) - 番茄夜間瘦身法

9 月份又點只訂左2本書咁簡單呢~ 下面2本就係我係PAGE ONE 既收獲啦.

我好喜歡走PAGE ONE, 又黎好近我返工既地方, 等人時我都愛係PAGE ONE 打發時間.

1黎地方好靜, 入得黎既都係睇書人. 2黎佢地唔會趕人走, 只要你唔攰, 你留幾多個鐘都得~~

講返我今個月買既呢2本書~

佢地都唔係新書啦, 之前更有SIS 介紹過'氣質'呢本書. 真係唔錯~ 好介紹~~


同系列既我之前都有買~ 大家有時間可以去打下書釘~HEE~~

如果有睇開我yblog 既朋友都知道我之前有進行過香蕉早餐瘦身法.

進行左只有短短既1個月配合運動及機械, 就已經輕左8磅,

直到依家停左都有半年冇反彈過~ 效果非常理想

http://hk.myblog.yahoo.com/gi- blog/index?l=f&id=23




正因為之前有咁好既效果, 令到我每一次見到有同類型既瘦身方法都會好有意欲去試.

(其實..... 我乜都會試一餐, 只要唔傷身都會試啦~)

之前出既奇異果早餐瘦身法我都有留意, 可惜我唔係一個'奇異果人' , 冇開始過~

今次玩既係番茄~~ 哈~ 正合我心意~~ 呵呵呵~



等我講解下番茄法係點WORK既先~

冇香蕉法咁複雜, 不過感覺上番茄法有營養多啦~~




番茄法主要係利用番茄獨有既成份 - 茄紅素.

茄紅素既瘦身及美容價值係非常高,

好多抗氧化既美容產品都有加入茄紅素, 有效防止及抑制活性氧, 黑斑, 雀班, 細紋, 同預防癌症.


重有生成膠原蛋白既及美白既功效, 更加皮膚彈性~

番茄入面既營養又點只咁小既~

佢含有既維生素更加唔講得笑~ 淨腸, 針對皮膚, 心臟, 眼睛, 牙齒, 頭髮..... 太多... 你地自己睇啦~~

而最令我驚喜既, 就係佢可以改善花粉症~~ (眼睛發亮中)

我呢隻澳洲豬, 去左澳洲10年除左學會一口唔咸唔淡既英文外,

最大得著就係得到花粉症 =.=" oh, my pleasure..... NOT

嘩嘩嘩, 有咁多既美容功效, 相信大家都一定被番茄深深吸引住啦~~


(如果佢係美容產品, 一罐面霜有咁多功效, 我一定買硬啦~~) 搽既不比食既好, 等我講下點食法啦~~~

話明係夜間瘦身法, 咁就緊係要晚餐時候食架啦.

當我地食左番茄之後既6個小時間, 身體就會吸引左番茄中既營養, 從而產生上面提及過既維生素, 抗氧化物等等.

而當中某D維生素就係速進新陳代謝既好幫手. 新陳代謝好左, 自然人都靚D啦~

此外, 睡眠期大腦會分泌出褪黑激素, 若果褪黑激素過低就會有手腳冰冷, 難以入睡或睡眠過淺既情況出現.

茄紅素就可以改善到呢種情況, 令到我地既血液清澈, 放鬆同緩和身體, 更加褪黑激素分泌~~

所以, 晚間食番茄既果效特別好架~

番茄夜間食法非常方便, 可以生食. 車厘茄好好味唷~

更可以加入晚餐入面. 出外晚餐只要點有番茄既菜餚就得啦~

熱食效果更好, 加熱後茄紅素會增加3倍呢~

冇時間既話, 就咁飲番茄汁都一樣得~~ 我飲呢隻~

只要每日吸收夠15mg茄紅素就ok 啦~~(比例如下)

番茄變化咁大, 就算日日食都唔會悶.

唔識煮唔緊要~ 書入面有食譜架~

食緊番茄瘦身法既時候, 唔需要去節食既, 保持運動就得啦~

番茄另一神奇之處就係佢可以將能量轉移, 令本身會令身體發胖既食物變得健康.

米(飯) 就係其中之一啦~

體驗...
進行左一約都有一個星期. 身體未有咁大既變化.


感覺上瞓得好左, 熟睡左, 皮膚都有小小變化, 冇咁黃啦...


至於體重方面..... 尋日上磅竟然輕左4磅.. (飯後+運動後磅)


關唔關事呢? 令係我今個星期工作壓力太大, 所以輕左呢?





大家都一齊試下番茄夜間瘦身法~~


祝大家成功