星期六, 4月 26, 2014

奇華餅家の中伏四小吃

短分享一則。
話說我同老公定期都要到各餅家留意一下有什麼新產品推出，今天就來到了奇華餅家，順道亦買了一點小吃回家，點之每樣都係伏。

伏一: 光蘇餅
嬲嬲地我連相都冇影得多，感覺以隔夜麵包，完全冇光蘇餅應有嘅鬆軟感覺，仲要好甜



二: 紅豆銅鑼燒
我自問對紅豆包嘅要求高，不過當你睇完呢個餡，就算再冇要求嘅人都唔會想食囉。

紅豆餡少得可憐，只不過係一少撻紅色嘅茸，雖不期望能找到原粒紅豆，但紅豆味亦都欠俸，唔知自己食左啲乜。兩片包味道普通，冇蛋味亦唔軟滑，仲要厚成咁，一啲都唔吸引!


伏三: 沙琪瑪
買左一個原味同一個黑糖味，黑糖味算比較好，因為甜味可以遮住陣油益味，雖然瑪仔係油炸物，但係油益味並不能接受。而且，兩款瑪仔都欠俸鬆脆口感，似係開封太雲漏左氣，或係隔左好多晚夜，但食用日期明明寫著2014年5月6日。極度失望。
























伏四: 椰蓉雞蛋卷
蛋卷係四個當中最好食嘅，小巧包裝亦比正常蛋卷為短，方便蛋卷迷隨時都方便食用，蛋味未夠香，有點被椰蓉味蓋過，但椰蓉香都幾吸引，偏甜的。唯蛋卷未夠鬆化，做唔到一口散開嘅效果，吃蛋卷不就是追求呢個效果嗎？


唉，極到失望的一次，希望下一次搵食會有驚喜啦！

-----------------------------------------------------
Gi - Life is Beautiful
wengichow@gmail.com
https://www.facebook.com/gichowengi
http://weshare.hk/WengiChow/
-----------------------------------------------------

於 沒有留言:
標籤：

星期三, 4月 23, 2014

熱辣辣外送速遞 Mug Pizza

復活節假 ，馬灣多人到差唔多要陸沉，到晚飯時間，間間餐廳都爆晒，冇人送外賣之餘，自取都排晒長龍。本來想叫Pizza Hut，可惜要2個鐘後先送到貨，仲要Minimum order $350 先送貨，幾時開始有啲咁嘅規矩架?幸好村裡面有 Mug Pizza, 可以預早落定單同送貨時間，6點半儘時開飯，仲要熱辣辣，好好味添!


今次叫左個Half & Half - 超級至尊同醬燒烤雞pizza。平常我對 Supreme 同BBQ Chicken 呢兩款pizza 都冇乜興趣，可能係我本身麻麻哋燒烤醬Pizza，(老公大人鐘意食就讓佢一次啦！) 但今次真係surprise 到我，佢哋個燒烤醬好好味，甜味同咸味平衡得剛剛好，整個pizza 嘅醬汁都好均勻，分量夠多夠juicy，同啲料味道仲好夾。
On supreme: 火腿，磨菇，肉碎，洋蔥，青椒，pepperoni，black olives，菠蘿
On BBQ Chicken: 洋蔥，雞肉，菠蘿














批料同芝士全部都好平均分佈喺每件Pizza 上。批邊仲要烤得脆卜卜，係鏈所pizza店或外賣pizza冇可能食到嘅口感。套餐價9吋普通厚批連小食都只係$123。

小食就點左芝士煙肉焗蒜蓉包，芝士同煙肉呢個perfect 配搭真係冇的輸，奇在加埋蒜蓉竟然冇互搶味道。可惜包焗得過脆，有點口。其實，我都係鐘意P記嘅厚醬蒜蓉包多啲! (ps，厚醬蒜蓉包… 可遇不可求)


另外還點了香濃肉醬意粉，外貌雖然唔係太靚，但美食不能全靠賣相，Mug pizza 將肉醬同意粉都炒得非常均勻，唔係一般醬還醬，粉還粉，而係每一條意粉都被濃濃的醬汁包圍住，每一口都可以吃到肉醬嘅味道! 若意粉更爽口一點，整個意粉就更完美啦！$35 真係好抵食!


全單$158 冇加一，免費送貨，準時又夠熱，足料又抵食。雖然Mug Pizza 只係開weekend，但係馬灣都已經有3-4年，可算係村入面一間好成功嘅西式食店，有heart又有禮貌，緊係要支持下啦！

地址: 馬灣大街村南123號地下
外賣: 3446 1222


-----------------------------------------------------
Gi - Life is Beautiful
wengichow@gmail.com
https://www.facebook.com/gichowengi
-----------------------------------------------------





於 沒有留言:
標籤：

星期一, 4月 21, 2014

發掘、探索 走進 ORIGINS 的實驗室

回來後第一個應邀的品牌就是Origins，除左因為我係Origins 嘅大粉外，品牌嘅support 更令我感動，PR 並沒有因為我的減產或停產而放棄與我聯繫，呢大半年，PR 周不時就來問候，也是唯一一家品牌PR向我說新婚愉快的，當中也微妙的感覺，不是三兩字就能描述的。

今天來到將軍澳新都城，是要慶賀Origins 首家全新形象概念店。
全新形象保持原有草木色，一進店就有如走進探險家的實驗室，架上陳列的除了有Origins 的產品外，還有以試管量杯盛著的裝飾陳列，追溯Origins 科學家團隊的植物探索成果，更同時傳達了 [天然為本、科學為證] 的品牌哲學和理念。


新陳列更以文字為每一系列細節說明功效及成份，為客人培養了解自己肌膚問題的習慣，自我探索發現再找出針對性的產品。
這就非常適合我這種喜歡一邊聽歌一邊Shopping 的顧客，若非有目標地購物，有時真的不知道自己在找什麼的喔，更令身旁的美容顧問大為尷尬。 現在，保濕、控油、舒緩、抗衰老、身體護理都能一目了然。

將眼睛微微向上看，會看到架上大大的水牌，一眼就能分別出目標產品類別，再上前探索一番，美容顧問會非常樂意協助你尋找出最合適的產品。
對眼前一大片產品園開始出現選擇困難嗎？此刻這色彩繽紛的Sample 陳列架必定能助你止頭痛! 各種各樣的試用裝，見帶回家慢慢試用，試上適合後再把產品帶回家，這就是Origins 科學團隊的精神，和顧客一同探索、發掘。

而最令我眼睛發亮的，必定是這一度精油牆，以溫室燈箱襯托，及以蒸餾器設計出的香薰精油牆，非常壯觀。即時為店內增加了不少自然草本科研原素。

香薰油並不只有裝飾用途，其實也供客人體驗，嗅一嗅，感受香薰味道，在治療角度來說，若果有某種味道會給你快樂及舒緩的反應，那就正代表你需要這種精油在你身上發揮功效，如我這類長期頭痛的，薰衣草就最適合不過! 而從此亦可引領到你去發掘出適合的護理用品。
難得來到，當然要瘋試一番，平常生活已經夠忙，真的要好好把握今次能認認真真的shopping 的時機。
瘋試期間，還遇上我第一次接觸ORIGINS  的產品。Peace of mind, ORIGINS 的第一支產品，尤如其名的能給你頭腦遍刻的寧靜，初次邂逅已經是在5-6年前，頭痛劇烈的一天，同事遞上這支釘點兒，說是神藥，果然按摩後頭痛減輕了，薄荷有舒緩神經緊張的作用呢！今次再遇，非帶你回家不可!
談到ORIGINS, 不得不提我的最愛 - Drink up & Clear Improvement. Gi 長期都keep 完呢兩支產品喺屋企，仲已經推介左身邊唔少朋友使用。

Clear Improvement, mild得黎又夠乾淨，功效綜合，油面同乾面都啱用㗎，每次我敷面，老公都會走黎一齊敷。我鐘意佢敷完感覺乾淨滋潤，老公鐘意佢清爽控油!

Drink up 更喺我每次入Sauna 必備產品，佢份子細小，容易被毛孔吸收，入到Sauna 毛孔張開左更能發揮佢嘅神奇吸收功效，亦都不阻毛孔排汗，能做到一邊排毒，一邊補及滋潤，神奇呢！

新都城店內更置有Facial 房，客人可即時係 privacy 高號房間入面試做Mix & Mask，喜歡就將寶貝帶回家。(謝謝Amy 客串)
今天的戰利品，仲有回購好物CC Cream 同 初次接觸嘅白米磨砂，遲啲再同大家推介啦！

CC CREAM 推介回顧: http://weshare.hk/WengiChow/articles/4534

-----------------------------------------------------
Gi - Life is Beautiful
wengichow@gmail.com
https://www.facebook.com/gichowengi
-----------------------------------------------------

店舖地址: 將軍澳新都城二期1177號鋪
facebook.com/OriginsHK

於 沒有留言:
標籤：

星期二, 4月 15, 2014

戀戰沖繩2013自駕之旅 ❦ Day 2 琉球王國＋天久Ryubo 樂市


半年了，PRE蜜月半年後才能繼續寫蜜月遊記，可想而知我呢半年來幾忙...
總總關係，我離開工作了半年的地方，今日又開始了新挑戰，趁呢個過渡時間，趕埋呢個未完成的蜜月遊記先~

2013.10.11
Day 2 - 琉球王國＋天久Ryubo 樂市
蔚藍既天空就係我愛上沖繩既原因，雖然係10月炎夏天氣，但天仍然吹來涼風，真係好清爽!!

今日第一站先去琉球王國，選擇坐巴士體驗一下沖繩既公共交通，83號由那霸到玉泉洞，車站就係東急酒店附近既巴士總站，過一條天橋就到架啦。

第一去坐日本巴士，乜都唔識，好在旅遊書入面有教定上車第一步就係要取票，之後到落車既時候，司機叔叔會因應上車時既車站分區收費。

呢程車都要坐成個幾鐘，欣賞下沖繩市外既風景，影下相傾下計，時間好快就過架啦。




地埗！！　落車～～


琉球王國入面算唔算多野玩？？HMM，坦白講如果唔係我地兩個自high 既，呢一站係百分百既伏 =.=" ... 睇你點去衡量呢D文化野啦~~　入場票同節目既收費都唔算貴既。


玉泉洞，即鐘乳石洞。係琉球王國呢一個並唔係全沖繩最大既一個，另一個係石垣島既會再大D。但係呢個全長都成廿分鐘架，我地都係唔好嘥時間，衝呀！！！沿路有班外國人都同我地一齊衝，不過佢地咁高大，睇住佢地左閃右避，真係笑死我地啦。



琉球王國入面仲有其他館比如蛇館，琉球手作，造紙，彩染等等，有時間有興趣都可以去體驗下，而我地呢。。都係對食有興趣Ｄ～～


呢串石垣牛，真係おいしい!!!!! 好可惜佢就係我今個trip 食過既唯一一'餐' 石垣牛。


約花左45分鐘就快閃遊完琉球王國。沖繩既天氣實在太美了，出發去下站前影多兩張相留念先～　


呢度發生左蝦碌位，因為唔知個巴士站實際地點，我地走左班車要打的走呀。（自已記得就好啦, 醜野唔好周圍講.. 哈哈哈~~）



來到本身冇打算去既新都心天久Ryubo 樂市，就因為中了國際通及琉球王國的伏，加上王生又想買佢既神奇畫板；於事我地就跟住個地圖續間電氣店問, 到最後神奇畫板就搵唔到啦，不過我就多左機會練日文~~


天久Ryubo 樂市入面大多數都係大shop，有MUJI、UNIQLO、BEST電器、Sports Depo　及　百元店等... 不過全日都只係得2串串燒落肚既我地已經餓到冇精神行街啦，醫肚至上！！


天久Ryubo 樂市都有幾間不同款式既餐廳，我地一早有聞沖繩既意粉係水準料理，隨便家都好好食既，哈～好，我地就求奇行入呢間係樂市入口位既意式餐廳啦！
一人點了一個意粉，分別係王生favourite 既拿波理同my favourite Carbonara, 


意粉分量超大，平常情況下，我地share一個再加一個小吃就會剛剛好，不過基於"4點先食第一餐"同"實在太好食" 既情況下，我地竟然食晒!!! おいしい!!

食完，去國際通買埋手信，即回酒店繼續我哋晚上活動，先不要亂諗嘢，對於我哋黎講，日劇係我倆生活嘅一部份，來到日本點可以唔留一晚係酒店睇電視呀！陪同我哋嘅仲有安堂機械人木村同7-11嘅生果!

今晚要早啲休息，因為聽日開始自駕之旅!!
快啲離開好悶嘅那霸市，向恩納出發!!

於 沒有留言:
標籤： ,

星期一, 4月 14, 2014

~~ 從新出發 ~~ Gi - Life is Beautiful

離開了半年，今日再按下登入鍵，感覺既熟識，但又有一點陌生。
這半年來發生的事很多很多，結了婚，亦都過左半年嘅非人生活。
就在３月３１日，我做了一個決定，要離開，再回到屬於我的世界。

雖說只是短短的半年，但過程中我所學習到的，所體驗到的，所鍛鍊到的，比起我人生中任何一段時刻還要多，亦是我最難忘，最深刻。

成長了，更了解自已就知道要怎樣過自已的人生，要得到些什麼。
再次碰上鍵盤，此時此刻的心情已再不是以往的爭名奪利，我亦不用再在這證明自已的存在或是什麼的。
現在只想回到初宗，我手寫我心，從新把我的人生，一點一滴地用文字記寫下來。

就今天開始，由我的靚太生活出發～


...... 現在先要做的... 就是要趕寫半年前未完成的旅遊文... @@

-----------------------------------------------------
Gi - Life is Beautiful
wengichow@gmail.com
https://www.facebook.com/gichowengi
-----------------------------------------------------


於 沒有留言:
標籤：

星期日, 4月 13, 2014

[Gi's 味。遊。記] お元気ですか

4月13日。。
人生有什麼好得過有一個男人會因為你要儲分做會員，個個星期日同你去食同一樣嘢。
仲要唔介意你遲到，一早去搵定位，點定嘢食等你黎到就有得食丫。
我就係呢個咁幸福嘅女人啦！哈哈哈～～

於 沒有留言:
標籤：
訂閱： 文章 (Atom)

LinkWithin

Related Posts Plugin for WordPress, Blogger...