星期五, 12月 16, 2016

最悅耳的聖誕禮物 Sudio REGENT


仲有10日就到聖誕,你地準備好晒禮物未呀? 我呢,一早已經收到男人送上嘅禮物,佢成日話早送早享受丫麻~
我呢?我都係一個心思型嘅人,一早就開始咗溫暖牌啦~
另外呢,我都有打算送個耳機比爸爸,老人家睇電視鐘意大大聲,話咁先有人氣,不過下下咁大聲的確會影響同屋人同鄰居,爸爸有咗耳機,想開幾大聲都唔成問題啦~

我嘅要求,一定要聲靚,少雜音可以保護耳朵,另外就係要耳位舒服唔夾耳嘅~



之前用過 Sudio VASA BLÅ藍牙耳機 (按此睇分享),我一直用到依家,高評!音質就唔洗多講啦,佢個電嘅耐用度同耳塞設計我都大滿意,咁啱佢新推出無線貼耳式耳機Regent, 正係我想搵嘅心水,自己先試 =P


我的耳朵大概係比VASA BLA寵壞了,對音質嘅要求比以前更高。新嘅Sudio Regent果然冇令我失望,一心想貼耳式應該冇入耳式咁靚聲,哈~ 原來都唔係差好遠,貼耳式都有近乎罩耳式嘅質數,有深度有距離感~  


我呢d 外貌協會主席又點會唔睇樣丫,Sudio Regent 系列有黑白兩色,襯上金扣同金邊,一個型格look,超好襯衫,唔聽歌佢都係一個超好襯嘅accessories!




連接方面,Regent無線耳機都一樣方便,3秒就可以駁到手機藍牙。第一次用只要按下左耳下中間按鈕3秒,再係手機藍牙開用後的清單上揀Sudio Regent, 連接左後,之後每次一開機就直接連線架啦。就算我又用VASA BLA 又用Regent輪流用都唔怕,只要唔好兩部機開晒就得啦... well, 我有時都會兩部開晒都冇事... 不過當然唔建議啦。



另外兩鍵按鈕當然係用黎效volume 同next/ prev song 啦, 旁邊嘅係mic, 通話質數都唔差,雜音比VASA BLA要少添呀~ 


Regent採用嘅係Bluetooth 4.1,所以先連接得咁快咁準。再者,4.1用電量仲少,我用足一個下晝都仲有大半電,真係好襟用,啱晒我呢d成日唔記得閂機同唔記得叉電嘅人..
佢嘅皮製軟耳墊都好舒服,女仔帶size 好fit, 唔夾耳又唔會頂到耳環,配戴舒適,摺埋都係細細舊,又唔牙位。不過都有d擔心同我耐耳墊個皮會爛,都係唔好太粗老先。


Sudio Regent仲可以換外蓋架,額外4個的外蓋design,襯返你個日嘅心情同衣著!一到冬天又係襯衫嘅季節,日日換外蓋點綴下都得呀!


Sudio Regent 售價 HK$1,xxx,好多賣影音嘅地方都可以搵到架啦,喜歡網購嘅仲免運費。2-5日就到架啦,直接喺原產地瑞典快遞送出架。 http://www.sudiosweden.com/hk/earphones


多謝Sudio 提早送比我嘅聖誕禮物,仲解決咗我嘅煩惱,最怕諗要買咩禮物,即刻買多個黑色比爸爸先,依家買仲送外個外蓋架,要咩款好呢?
希望我嘅分享同樣幫到你,解決買禮物嘅煩惱啦。





----------------------------------------------
Follow Me on Gi C Life
wengichow@gmail.com


-------------------------------------------

星期二, 12月 13, 2016

秋冬進寶好時機~ 食返個supplement 補補身Nature's Bounty自然之寶

雖然未係好凍,但我feel 到身體對轉季嘅反應都開始黎料啦。皮膚乾,手腳凍,氾黃暗啞~
媽! 唔通我真係咁澀!



我知呀, 人人都話我做完手術冇補返下丫麻, 鬼叫我又窮又懶咩. 名貴藥材就食唔起架啦, 依家臨急食下supplement 補返下啦~

女仔都係最緊要皮膚好,面色好,所以我除左食一d補身野之外(一日一杯養命酒),我仲會食一d對皮膚好嘅supplement~ Nature's Bounty®自然之寶嘅美肌孖寶都試左一排,效果都唔錯~ 就係度同大家分享下啦~


左邊係葡萄籽提取物,而右邊嘅係液體水解膠原蛋白,早晚夾攻,抵抗氧化修復皮膚。
早:葡萄籽提取物 Grapeseed Extract ( 200 mg ) 
一日兩粒我習慣早餐前服用,美白之餘仲有效淡斑除皺。
都估到你會問我 "你想要呢d效果,塗護膚品咪得囉,食嘅都唔知去咗邊度" 冇錯,要比皮膚直接吸收嘅,當然塗係最好啦,但皮膚直接反應咁身邊嘅健康指數,呢年我食咗咁多藥,其實內裡已經好傷,好多毒。

Grapeseed Extract 不但可以延緩皮膚老化,強化膠原蛋白,對身體仲好有益,暢通血流,強化皮下血管,保持心血管健康,亦都有效減少青筋瘀傷架,啱我,成日亂撞... 
Ps, 原來我成日都平衡唔好行下撞下咁,唔係因為我行路懶囉,係我耳水不平衡呀,唔好再話我啦,呵呵。

講下小小成份先,一樽有60 粒,每日兩粒都可以食到一個月架。成份除咗葡萄籽提取物,仲有柑橘生物類黃酮,加強抗氧化功效。丸丸係膠囊裝,如果唔識食膠囊,亦可打開加進水及茶飲都得~

晚:液體水解膠原蛋白 Liquid Hydrolyzed Collagen (473 mL)
Collagen補充制都係飲嘅最直接,唔洗通過太長消化過程直接進入吸收程序~
液體水解膠原蛋白補充飲每30ml有成15,000mg嘅膠原蛋白,濃度極高。
而且分子極細,非常容易被人體吸收。

補膠原蛋白唔洗我多講, 大家都知為乜架啦,除咗重點改善膚色不均、增加水潤、緊緻、彈度外,仲補關節,補充軟骨營養架。另外補充飲仲有燃脂因子 Fat-Burning Factor,Surprise Surpise,真係冇諗過補膠原同時都可以燒脂~ 都係全靠加入左精氨酸,有助增加肌肉比例,加快脂肪消耗。



Suppose應該要睡前及早上空腹各一次,不過我養唔到早上就飲Collagen 呢個習慣,一早就飲呢個味道入口真係有d 怪怪,所以我每晚瞓前10點鐘左右就來一杯,把握肌膚黃金修復時段丫麻,每次15ml 開水飲,其實都可以加果汁或蜜糖水飲嘅,加佢入去早餐杯野飲入面,應該易入口d 嘅~
呢個星期我試左加係康鈣C 入面,咋一咋味道又唔差喎~


呢幾個月我更加養成咗早晚食益生菌嘅習慣,之前冇呢個習慣架,一向都覺得自己D腸都幾健康,但自從我見完Vigene營養師,試過跟佢嘅排毒療程,我就知道... 嘩,原來我都真係幾毒架喎。唔想個肝同腸咁辛苦,就要食d 有益佢地嘅補充品,比佢地補一補啦~


但原來要搵好嘅益生菌都唔係咁易,市面上大部份益生菌產品經過包裝同保存過程後,去到我地手上時所餘嘅真。活性益生菌其實已經所餘無幾,去到我地身體成功過到消化後留下去到腸道發揮作用嘅其實真係好少好少。所以揀我都要睇supporting~

Hyperbiotics®合百益益生菌,以專利 LiveBac®技術,可以延長益生菌於室溫下嘅存活時間至 18 個月咁長,喂,成日話唔記得食supplement 個d 朋友就啱晒啦,有成年時間比你K呀~
另外,合百益益生菌含量比其他產品高成15 倍,每日食一次2粒就夠架啦~ 正~ 因為我成日都miss咗晚餐~


合百益益生菌每瓶 60 粒,都係1個月嘅份量,$429都唔係太貴。
難得佢係珍珠丸裝,唔係膠囊,吞得舒服d~ 
有個BONUS成份我想分享一下,產品配方全天然之餘,亦無糖、無麩,本身要食grain free 嘅我就少左個負擔啦~

真心的,Grapeseed 同膠原就真係要持之而行先可以見到功效,呢d大家都知,加上我成日都做咁多treatment 同用唔同嘅SKINCARE,我自己都唔可以ensure 到係因為食左佢而皮膚好咗,不過講真,呢排d 皮膚又的確係幾唔錯,成日都比人讚,呵呵呵,所以呢個孖寶都功不可沒架。
反而合百益益生菌我就真係感受到個效果,無論係...
次數上 (本身一日1次,食用後增到一日1-2次)
份量上 (比平常的多)
質量上 (軟熟易排出)
氣味上 (由比較濃去到依家都幾正常)
肚脹同屁 都有改善

我堅覺得佢同我身體好sync,所以我已決定下一回,我會親自入貨的~~

今次就先Thanks 自然之寶比我試咗呢個正野啦~

Nature's Bounty®自然之寶專門店地址:
銅鑼灣景隆街2號下鋪
荃灣千色匯I期2樓2045號舖 
官方網站/網上訂購: www.hyperbiotics.com.hk
Facebook 專頁: https://www.facebook.com/hyperbioticshk
查詢電話: +852 3529 1990





----------------------------------------------
Follow Me on Gi C Life
wengichow@gmail.com


-------------------------------------------

星期一, 12月 12, 2016

7日明眸誌~ MEDiPLUS Dark Circle 褪黑藥效眼膏

有邊個女仔唔想有一對bling bling 明眸,大眼con、大眼妝,都係想自己睇上去精靈d,迷人d。但每日帶con化妝都會為眼周肌膚帶來損害,日塡月累嘅點只係細紋,仲有因疲勞引起嘅暗啞,色素团積,加上空氣污染,攪到眼圈越黎越黑,仲點bling 丫~



辦法唔係無嘅,做得女仔,多多少少都有d 扮靚tips 旁下身。除咗一d DIY 護膚方法,我間唔中都會轉一轉護膚品,比D新嘢皮膚吸收下,刺激一下D 細胞都好~ 襯住呢個轉季天,一次過諗計攪一攪佢先。


今期就試下呢個啦....
7 日消除頑強黑眼圈
MEDiPLUS [白眼圈] 褪黑藥效眼療膏強效版

睇睇成份有D 乜先... 

5 大嶄新歐洲技術成分 - 3 倍滲透及促進血液循環,臨床證實 7 天減淡頑固黑眼圈,24 小時持續修護,激發骨膠原再生,增加眼周肌膚彈性,回復細緻年輕。

1 Haloxyl – 疏通瘀血,去黑瘀 ~有效改善 60%+眼部色素沉澱,高效減淡陳年黑眼圈達 72%。
2 Eyeliss – 改善鬆弛眼袋,回復平滑 ~有效減退 70%眼袋,有效消除浮腫,回復平滑。
3 Eyeseryl – 疏通淋巴,去浮腫~ 95%受試者改善眼部浮腫。
4 Renovage – 激增骨膠原,緊緻去紋~ 75%受試者明顯改善眼部緊緻。
5 PML Vitamin K – 超微細分子,極速亮白眼周肌膚
** 官方資料


Well,其實我一向都唔睇呢d 官方資料架啦,親身體驗先係皇道~
7日就見改善? 好,就試夠7日先~

眼膏質地好清爽好易推開,習慣塗眼霜時加按摩嘅,所以每早晚用都會double 份量。
質地好滑都幾好按架,亦都唔會太難吸收,用落感覺都幾好~


眼膏特別眼針以下人士,7樣我中左4樣呀~
1) 黑眼圈、眼袋纏繞多年
2) 經常捱夜
3) 長期使用電腦
4) 配戴隱形眼鏡
5) 喜歡搓揉眼睛
6) 眼部化妝及不當卸妝
7) 預防眼圈眼袋

有圖有真相時間來了,其實7日見到嘅效果當然唔會大到嘩一聲啦,不過to be fair,我個眼圈係因鼻敏感困擾,呢排轉季都有小小鼻敏感發作,有幾日黑眼圈的確係明顯一d。好啦,睇圖看真相,而我嘅黑眼圈要加油再努力d先攪得掂啦!

MEDiPLUS Dark Circle 褪黑藥效眼膏萬寧有得賣架,原價$256,依家做緊激搶優惠 $199,有興趣就去萬寧望望啦~

Facebook: www.facebook.com/mediplushk/
Instagram: www.instagram.com/mediplushk/



Thanks to MEDiPLUS~~




----------------------------------------------
Follow Me on Gi C Life
wengichow@gmail.com


-------------------------------------------

星期三, 11月 23, 2016

估佢唔到咁好burn,做運動都可以好舒服~ 嘆玩Velocity Aquabike Studio香港首間水療單車運動中心

喺水中做運動相信大家一定有聽過,不過原來唔單只係物理治療用,一般健美用途都啱,效果仲好好添~
我咁鐘意做運動,又點可以唔去全亞洲第一間水療單車中心去潮聖一下呀!






「Velocity 認為每一個人都可活得健康和精彩。」呢個我buy~ 仲要每個人對"健康" 同 "精彩"嘅定義都唔同,我係比較嚴苛嘅,所以踏入呢個門時都心想,都唔會有d咩intensive效果架啦,舒服得嘅運動通常都唔會太burn fat 架啦。 點知....


先賣個關子先,今日我就係會坐喺呢個太tub入面踩單車。
單車一向都唔係我運動list 入面,真嘅單車我唔識踩,健身單車又會做到小腿粗大腿實。所以我都幾避玩健身單車架。
加咗水又會有d 咩唔同呢?
水療單車結合咗水中運動同水療按摩,一邊踩單車時,Jacuzzi tub 兩側嘅噴射,可以幫我一邊運動,一邊按摩,肌肉同一時間做到2種刺激,做帶氧運動燒脂同時舒暢緊張肌肉,唔怕踩單車到大腿小腿肌肉一舊舊,同時都可達至瘦身纖體、煥膚排毒、消除疲勞效果。

健身艙total 有26個水療按摩式噴射頭,水柱focus 噴射腰部、腿部同臀部,舒緩肌肉之餘,仲有效促進血液及淋巴循環,並能改善橙皮紋及大腿贅肉問題。

前後、左右嘅噴射度同單車嘅阻力都可以自己效。連tub 入面嘅色都有得揀,至緊要係當下自我感覺良好最緊要~~ 


貼返我做事誇張嘅性格~ 黎個最大噴射力丫唔該~

阻力唔夠大喎,等我用手制control 加大個阻架先~ 

當然,唔想煩咁多,都可以揀預設program 一個制開始~

本身以為會好悶架,原來有水噴噴下又幾過引喎,
出最平常做運動嘅力,去認真踩,反正都係做運動,有得做梗係唔好嘥~ 
剛落水個下係有少少凍架,大約廿幾度水啦,真係忍唔到都可加小小熱水,但都係自身產熱個燒脂效果會最好啦~ 


我真係好認真咁踩架,真係有汗出架~

水療單車原自法國,係當地大熱嘅新派運動,
佢嘅功效比傳統單車更有效,可減低關節磨損,水嘅阻水仲可以加強心肺功能、減少腿部水腫等。健身艙嘅水仲要係特別嘅高含氧水,對皮膚排毒、提亮色澤都好有幫助架。

每一part 30分鐘,我一共burn 左515kcal,成績唔錯,做完都唔覺攰,估唔到水療單車都幾好玩又舒服,如果我係cwb 返工,我一定至少一個星期3次lunch time 過黎做運動!


呢度都有相人房,可以孖住姊妹黎做運動~ 
嘻嘻,不過我都係prefer 運動自己做多d!~~
完成30分鐘,仲未夠喉? 除咗可以加碼做多一part 外, 都可以試一試日式桑拿。


桑拿設計到成個太空倉咁,設計同製造都係源自法國,採用最新紅外線水療技術,可分腳、胸、背等局部調節溫度刺激身體自然淨化,排走毒素、增強免疫系統、塑身及更新細胞。一part 30分鐘,就可以做到排毒、瘦身、抗衰老三大功效。天然凍,做完水上單車再加個日式桑拿relax 下,加倍排水排毒,全身暖晒。

每次做完帶氧運動,如果時間許可我都會去clubhouse焗下身,加強身體溫度,延長afterburn時間~ 加上我呢D 血氣麻麻嘅人,就算做完運動都可能係凍冰冰,焗下身,加強循環,排多d汗水,幫助燒脂排毒~ 真係排到好多汗呀~


呢度環境唔會太大,可以keep住高度privacy。不過設備就好完善啦,locker、shower、毛巾、風筒等設備都有設晒,做完運動可以執返個樣先走啦~


Velocity都有好幾個不同嘅合作partner,有按摩、美容、營養師、健康飲品等等。想幫自己plan 出最合適嘅健美計劃,就唔洗四周滕啦~ 

唔講咁多啦,我繼續努力先~ 
Thanks Velocity~~ 
銅鑼灣晏東街 Oliv 14 樓 
電話:2110 - 4460 
www.velocitystudio.hk
https://www.facebook.com/velocityhk/




----------------------------------------------
Follow Me on Gi C Life
wengichow@gmail.com

-------------------------------------------

星期一, 11月 14, 2016

秋冬進寶好時機~ 敏感肌護理編 La Roche-Posay Toleriane


來到轉季天氣,無論身體同皮膚都要進補!講到皮膚進補,我就最拿手架啦 (我指只係take care 自己嘅皮膚)先由簡單護理入手,轉季天皮膚最易敏感,就連平時皮膚修復勁高嘅我,有時都會敵不過乾燥寒風,呢個時候,低敏嘅護膚品又點少得!



La Roche-Posay全新推出TOLERIANE ULTRA抗敏全效修護系列,早晚雙重修護,全天侯抑制敏感狀況。產品防腐劑、零香料、零酒精、零色素等等容易令肌膚敏感嘅致敏源200%被導絕,同時亦都含活胜聚合肽,有抗發炎作用,舒緩改善已發生嘅皮膚敏感症狀。我嘅濕疹皮膚有救啦
ps. 我d濕疹最鐘意生係髮根d鬼鼠位,痕得我呢~~

早上用清爽d嘅
TOLERIANE ULTRA 抗敏全效修護面霜 (潤質感)
$290/40ml




每款LRP產品都含有皇牌溫泉水,抗敏全效修護面霜當然都唔例外,配合無添加簡約配方,抵抗敏感之餘仲具舒緩及抗自由基功效,有效抑制因發炎癥狀而引起的敏感,同時為肌膚打氣補水,令自我保護屏障得到修復,敏感肌膚都可以變返柔軟滋潤。

質地清爽,輕輕一推就能均勻塗抺肌膚,吸收之快,潤而不膩,不為肌膚帶來額外負擔。


另一支
TOLERIANE ULTRA OVERNIGHT抗敏全效晚間修護面霜$290/40ml 
質地較滋潤,適合晚間使用。

同樣有舒敏、淨化、修護功能,無添加配方嘅overnight修護,第二朝敏感症狀會大大舒緩。晚霜額外仲加入肌鈦及維他命E,有助中和自由基,排毒、抗氧,滋潤、柔滑皮膚,防止敏感惡化。


晚霜較日霜滋潤多d,對於極乾皮膚,呢個晚霜用作日間重點修護,滋潤肌膚整更都咁舒服!特別乾燥日子,用佢我就覺得剛剛好啦。



另外,呢兩支孖寶嘅包裝設計都不容忽視架,
採用100% Airtight 密封式無菌包裝設計,講真嘅雖然我唔識呢個科技,但就講個瓶蓋已經有成 15 個parts 咁多,全密封包裝設計,唔擔心產品受污染,排除所有所有可能造成過敏的刺激物,確保產品零污染!




冬天有咗呢對孖寶做保護,touch wood 敏感發作都唔怕啦~
Thanks, 產品由La Roche-Posay提供。

#LaRochePosayHKSponsored #larocheposayhk #abetterlifeforsensitiveskin #toleriane #ultraovernight



----------------------------------------------
Follow Me on Gi C Life
wengichow@gmail.com


-------------------------------------------


LinkWithin

Related Posts Plugin for WordPress, Blogger...